Попладнево големо невреме го зафати реонот на селата Бучин, Воѓани, Бела Црква, Обршани и другите околни населени места. Невремето кое траело 15-тина минути донесе град со големина орев. Жители на селата кои до редакцијата на Инфо Компас доставија видео и фотографии велат дека е причинета голема штета на земјоделските посеви. За поконкретни детали што и колку е оштетено ќе се знае во текот на утрешниот ден.
