Народниот правобранител отворил предмет за проблемот со вадење лични документи и бара одговорност

Share on facebook
Facebook
Share on twitter
Twitter
Share on email
Email
Share on print
Print


Народниот правобранител Насер Зибери денеска пред медиумите рече дека чека одговор од Министерството за внатрешни работи за проблемите околу издавањето на лични документи и на регистарски таблички за возила. Како што соопшти денеска народниот правобранител Насер Зибери, пристигнати се и индивидуални претставки од граѓани по кои ќе се постапува.

Омбудсманот побарал од внатрешната контрола во Министерството за внатрешни работи да ги лоцира проблемот и одговорноста, и соодветно да извести во рок од осум дена.

„Во текот на оваа недела имавме јавни обраќања за свидетелства и за личните документи. За дел од проблемите за регистарските таблици има индивидуални преставки, но и по службена должност отворивме предмет. Констатиравме дека граѓаните се ставени во незавидна ситуација и им се ускратуваат елементарни права за управување со своите возила и напуштање на земјата“, рече Зибери.

Граѓаните веќе два месеци имаат тешкотии да закажат термин за вадење на лични карти и пасоши, а повеќе од три месеци не може да извадат ниту регистарски таблички.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи