Преку 150.000 граѓани ќе добијат отпис на камати и долгови

Share on facebook
Facebook
Share on twitter
Twitter
Share on email
Email
Share on print
Print


Преку 150.000 граѓани ќе бидат опфатени со законот за отпис на камати и репрограмирање на долгови и трошоци на граѓаните во услови на Ковид-19, при што граѓаните ќе треба да ја платат само главнината и тоа на рати, изјави на денешната прес конференција премиерот Зоран Заев.

Со овој закон се опфатени сите долгови на граѓаните кон државни органи, јавни институции и УЈП, а опфатот е заклучно со денот на влегување на законот.

„Државните органи и јавните институции опфатени со законот, како и УЈП, се должни да го утврдат износот на главниот долг, трошоците и каматата за секој граѓанин во рок од 90 дена од влегување во сила на законот. Потоа, најдоцна за 15 дена ќе треба да ги известат физичките лица – нивни должници со јавна објава на официјалните веб страници, преку медиуми или на друг начин“, рече Заев.

Генералната пресметка на долговите е дека граѓаните долгуваат неколку десетици милиони евра, а половина од долгот е од каматите на овие долгови.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи