Наскоро ќе можете да влезете во подземјето на Колосеумот во Рим каде гладијаторите се подготвувале за борби


„СиЕнЕн Травел’ известува дека граѓаните на Рим и туристите наскоро ќе можат да го посетат подземјето на познатиот Колосеум. Тоа ќе биде отворено за јавноста по првпат откако е изградено.

Сите заинтересирани ќе може да прошетаат низ ходниците и да го видат просторот каде што престојувале гладијаторите и животните пред да влезат во арената.

Во Колосеумот се одржувале гладијаторски борби и борби помеѓу животни, а собирал до 55.000 гледачи.

Хипогениуот тогаш бил осветлен со свеќи, но поради уништениот терен сега во него продира сончева светлина.

Подготовките за големото отворање траат од 2011 година.

Колосеум (латински: Colosseum), изворно наречен „Флавиев амфитеатар“ (латински: Amphitheatrum Flavium), е најголемиот амфитеатар во Рим и во светот.

Колосеумот бил изграден од царот Тит Флавиј Веспазијан кој го започнал во 72 г.н.е., а неговиот син царот Тит Флавиј Сабин Веспазијан го завршил во 80 г.н.е. Тие потекнувале од прочуено римско благородничко семејство, па оттаму и градбата го добила името. Некои поправки направил и царот Домицијан (81-96 г.н.е.). Изграден е како подарок за римските граѓани и тоа на местото на некогашната резиденција на римскиот цар Нерон..

Колосеумот бил врвен дострел во римската архитектура и градежништво. Покрај величествените димензии, тој бил лесно достапен преку системот од влезови и скалила, така што во случај на пожар можел да се испразни за само десет минути. Подоцна, градбата била користена за најразлични цели, како работилници, одаи за свештеници и христијанско светилиште.

На 7 јули 2007 година Колосеумот бил прогласен за едно од седумте светски чуда на Новиот Свет.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи