Филипче: Епидемијата може да трае со години, но тоа не значи дека треба да живееме затворени

Share on facebook
Facebook
Share on twitter
Twitter
Share on email
Email
Share on print
Print


Министерот за здравство Венко Филипче смета дека сега, кога државата обезбедила доволно вакцини против ковид-19 за да бидат достапни за секој што сака да се заштити, повеќе не би требало да има затворања за сите, полициски часови и слично, туку граѓаните треба да преземат одговорност за сопственото и за здравјето на најблиските.

 „Епидемија може да трае и повеќе години, имаше некои предвидувања дека може да трае и до 2024, дека ќе премине можеби и во ендемска форма, ама тоа не значи дека ние треба да живееме затворени“, вели министерот Филипче.

Затоа тој апелира сите да се вакцинираат против ковид-19, поради тоа што вакцината штити од тешка болест и од смрт.

„Со вакцините, граѓаните ќе се заштитат себеси, така и да е присутен вирусот и да дојде некоја нова мутација, ако се заразат ќе имаат лесна форма на болеста, веројатно форма на некаква настинка“, истакнува Филипче.

Во земјава во моментов вакцинацијата се одвива со „Фајзер“, „Синовак“ и „АстраЗенека“. Досега се вакцинирани 390.623 граѓани, а пријавени се 492.662 граѓани. Од 12 јули секој ќе може да се вакцинира без закажан термин.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи