Деновиве на мобилните телефони на корисниците кои ја имаат инсталирано апликацијата „Вибер“ им пристигнуваат лажни пораки за освоени илјадници долари.
Според корисниците, во лажната порака најчесто се наведува дека вашиот број е избран како добитник на 700 000 американски долари во промотивна програма на „Вибер“ и се бара да се испрати код на одреден е-маил.
Од МВР велат дека досега немаат евидентирана пријава дека некој бил измамен со овие пораки, но апелираат граѓаните да бидат внимателни.
Станува збор за уште една интернет измама, а совет е на ваквите пораки никогаш да не се одговара и лозинките за пристап на електронската пошта редовно да се ажурираат.
