Министерот за внатрешни работи Оливер Спасовски во гостувањето на „Утрински брифинг“ сооштува дека периодот на чекање за лични документи значајно се намалува,бидејќи службите работат со продолжено работно време и за време на викендите.
Тој додаде дека личните документи кои биле побарани до стапувањето на сила на новиот закон, односно до 1 јули се изготвени.
„Од 1 јули тргнавме со новиот систем на податоци, со примена на новото уставно име и примената на Законот за јазиците. Поголемиот термин на чекање е во Скопје, но сето тоа се намалува. Воедно, со новиот систем првпат поставуваме десет фиксни базни станици низ државите низ Европа, за да немаме веќе мобилни станици. Сега нашите државјани во дијаспората може да се фотографираат во ДКП-ата“, вели Спасовски.
