Англија и Италија вечерва на „Вембли“ ќе го одиграат финалето на Европското првенство.
Натпреварот е со почеток од 21 часот.
Англичаните конечно дочекаа нивната репрезентација да се најде во едно големо финале и сега се убедени дека трофејот „ќе си дојде дома“.
Дека ова е еден од најдобрите натпревари во историјата на англискиот фудбал доволно покажуваат сцените од Лондон на неколку часа пред натпреварот со илјадници домашни навивачи кои започнаа да се собираат пред стадионот.
Англија ќе има огромна поддршка на Вембли бидејќи на Италијанските навивачи им е забранет влез во Велика Британија поради правилата за коронавирус.
За Италија ова е 10-то финале на големите натпреварувања. Италија ја освои европската титула во 1968, но ги изгуби следните две финалиња, во 2000 и во 2012 година, првото од Франција, второто од Шпанија.
Сигурно е дека денеска не очекува вистински спектакл, а останува да се види кој на крајот ќе ја освои титулата наменета за најдобрата селекција во Европа.
Wembley Way. Already. pic.twitter.com/Osy1QhXJbJ
— Simon Peach (@SimonPeach) July 11, 2021