Томе Христоски и официјално ќе бара нов мандат од крушевчани


Актуелниот градоначалник на Крушево, Томе Христоски повторно ја доби довербата од сопартијците и ќе се кандидира за втор мандат пред крушевчани. Тоа официјално беше потврдено доцна синоќа, кога СДСМ ги соопшти првите 30 кандидати за градоначалници во државава, меѓу кои беше и Христоски.

Тоа го потврди и градоначалникот на Крушево на својот Фејсбук профил.

„Чест и задоволство е да се работи за нашето Крушево и за нашите сограѓани изминатите 4 години. Од друга страна е обврска, но и одговорност како и што треба да се работи и прави за Крушево, за населените места, за моите сограѓани.

Искрено, посветено, одговорно, со срце и душа, така и ќе продолжиме!

Не смееме да се навраќаме пред 2017г. но да продолжиме со позитивна мисла и дела кон 2024г. Црното минато да го оставиме зад себе но да чекориме со значајни чекори и проекти за да го постигнеме она што сите го бараат од нас. За нас сите граѓани се исти и еднакви и затоа Крушево ќе продолжи да се развива паралелно, како во градот, така и во сите населени места од општината.

Покажавме и докажавме како се води општина Крушево, призната, препозната и посакувана општина, најважното е што успеавме да направиме една поинаква, поубава приказна.

Благодарам за искажаната доверба од страна на ИО на СДСМ, Претседателот Зоран Заев и воедно упатувам благодарност до сите мои сограѓани за досегашната укажана доверба, како и за идната поддршка да продолжиме заедно да го градиме Крушево.

Направивме многу, но не е доволно, не чекаат нови предизвици и нови успеси за Крушево и за сите нас. Продолжуваме….“, напиша Христоски.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи