Влада: Логото за 30 години независност не го содржи државното знаме

Share on facebook
Facebook
Share on twitter
Twitter
Share on email
Email
Share on print
Print


Тимот графички дизајнери при Секторот за односи со јавноста во Владата се автори на логото за јубилејот 30 години независност на државата, вели владиниот портпарол Душко Арсовски за Сакам да кажам.

Портпаролите на Владата, Арсовски и Муамет Хоџа вчера на прес-конференција го претставија логото кое ќе се користи по повод јубилејот – 30 години од независноста на државата. Логото било одобрено на 87. седница на Владата.

Дизајнот имплицира дека знамето има 12 краци, а не 8 и  не е употребено уставното име на земјата – Република Северна Македонија, туку само Северна Македонија.

Од Владата велат дека логото е составено од повеќе елементи, но потенцираат дека не го содржи државното знаме. Логото за јубилејот „30 години независност“ е составено од повеќе елементи.

На традиционалната, историски заснована, национална, црвена основа, обединети се симболите со кои се потенцира 30 годишнината од независноста. Сонцето, уставното име, меѓународниот МК код и бројот 30 раскажуваат за нашата државност.

Логото не го содржи државното знаме. Сонцето кое е употребено во логото е различно од сонцето од државното знаме. Користењето на државното знаме е јасно уредено со Закон.

И оваа, и други влади, за државни празници низ годините наназад, често користеле разни варијации на сонцето како симбол кој зборува за државноста на нашата земја.

Владата смета дека знамето има специфична државна вредност и дека истото не треба да се става во логоа за прослави туку истото треба да се користи издвоено, засебно, чисто, со јасно истакнување на настани и исклучиво онака како што е пропишано со Законот за употреба на грбот, химната и знамето.

Затоа, сонцето употребено во логото за 30-години независност е со поинакви и поголем број краци од сонцето од државното знаме.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи