Христоски: Наследивме 420.000 евра долг, денес Крушево е поубаво за сите

Share on facebook
Facebook
Share on twitter
Twitter
Share on email
Email
Share on print
Print


Градоначалникот на Крушево, Томе Христоски вчера на партиската трибина истакна дека денес Крушево е туристички посакувана дестинација и е поубаво за сите. Но сепак тоа не било така на почетокот на неговиот мандат, кога наследил голем долг и извршители.

„Во 2017 година почнавме од нула, односно со 420 илјади евра долг и уште три кредити наталожени. Тоа значеше дека секој ден имавме извршители во општината и бевме пред блокирање на сметката“, рече Христоски.

Тој кажа дека со преземањето на локалната власт, започнале со кратење на неразумните трошоци и насочување на фокусот на барањата на грааѓните.

„Затоа денес гордо стојам пред вас и можам да кажам дека направивме капитални проекти кои претходно беа само поим. Реконструиравме улици, водоводи, канализациони мрежи, резерваи за вода, патишта и имаме полетиште за параглајдеризам кое е трето во светот“, кажа Христоски.

Тој најави дека е убеден дека ќе добие втор мандат и дека ќе продолжи со истото високо ниво на транспарентност и општина Крушево да продолжи да биде пример во реализацијата на проектите.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи