Младинските тимови на ученици од Ресен,Куманово и Велес вклучени во реализација на проектот „Јакнење на малцинствата и специфичните групи за промовирање на партиципативната демократија на ниво на заедницата фаза 2“, имаа средби со локални советници од Општинските совети и претставници на локалната администрација. Овој проект го реализира Центар за граѓанска иницијатива – Прилеп а е поддржан од ifa/Zivik програмата во склоп на Федерална канцеларија за надворешни работи на Сојузна Република Германија.
На отворената дебати учениците имаа свои размислувања, дискусии и барања. Она што учениците го покажаа како интерес беше повеќе простор за културни настани и повеќе културни настани. Како потреба учениците побараа повеќе спортски теренеи и терени со рефлектори за ноќно спортување. Во делот на инфраструктурните проблеми беа побарани повеќе спортски патеки, беа потенцирани проблеми со недостаток на паркинг простор и несовесно возење.
Младинските тимови од СОУ „Цар Самоил“ – Ресен, СОУ „Јовче Тесличков“ и СОУ „Наце Буѓони“ – Куманово и во текот на летните месеци ја потврдија својата активност и посветеност во реализиацијата на проектот.
Овој проект се реализира втора година и во истиот се вклучени 10 средни училишта од 10 различни општини од нашата држава.
Автор: Центар за граѓанска иницијатива Прилеп
