Седниците на Советот во Крушево ќе се пренесуваат во живо, започна опремувањето на просторијата


Започна опремувањето на просторија за Советот на општина Крушево со опрема за пренесување на седниците во живо на „Фејсбук“ и „Јутјуб“. Се очекува веќе од наредниот месец седниците на совет да се одржуваат во просторија во горната училишна зграда и истите директно да се пренсуваат „онлајн“.

„Конечно дојдовме до имплементација на иновативната алатка за пренесување на седниците на Советот во живо и со тоа го подигнуваме нивото на транспарентност на Советот. Граѓаните ќе имаат можност да ги следат седниците во живо, да ги прегледуваат по завршувањето и со тоа одблиску да се запознаат со нашата работа. Се заблагодарувам на Швајцарската агенција за развој и сторабота, УНДП како имплементатор и на сите советници кои зедоа учество во проектот. Работата на советот станува поотворена, а советниците се поблиски до граѓаните“, изјави претседателот на Советот на општина Крушево Тома Петроски.

Во рамки на овој проект советниците посетуваа обуки за градење на капацитетите и се здобија со знаења за подобро и поефикасно извршување на обврските.

Имплементацијата на иновативната алатка за пренесување на седниците на советот во живо е дел од Проектот „Зајакнување на општинските совети“, вреден 3,4 милиони швајцарски франци, финансиран од Швајцарската агенција за развој и соработка и истиот е имплементиран од Програмата за развој на Обединетите нации (УНДП) во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи