Еве го Манчевски самурајот од Македонија – Јапонски уметници ги претставија земјите на Олимписките игри како самураи

Share on facebook
Facebook
Share on twitter
Twitter
Share on email
Email
Share on print
Print


Група јапонски уметници се надеваат дека ќе го доловат духот на претстојните Олимписки игри и јапонската култура цртајќи ги знамињата на земјите што ќе се натпреваруваат налик на самурај.. 15-те уметници кои се автори на проектот не заработуваат пари од ова и го прават во слободно време. Досега нацртале самураи со знамињата на 84 држави, од вкупно 200 кои ќе се натпреваруваат. Меѓу нив е претставено и знамето на Македонија

„Манчевски, висок 182 цм, најмногу сака да јаде ќебапи и мусака. Негова јака страна се независноста и лидерството. Тој е пријателски настроен кон сите.“

„Самураите се уникатни за Јапонија и сакаме сите да ја запознаат традиционалната јапонска култура“, вели креаторот Камаја Јамамото за BBC.

Пред да го направи дизајнот, тој го истражува значењето и историјата на знамето на земјата, а потоа ја истражува и нејзината култура. Секој лик, исто така, доаѓа со краток опис на нивната личност, јаки и слаби страни, како лик од видео игра.

„Овој проект го започнавме откако ја препознавме различноста меѓу сите луѓе во светот. Исто така, веруваме дека илустрацијата е совршена алатка за истакнување на ова. Нашето мото е „Целиот свет е кул“, велат уметниците.

Самураите играле огромна улога во јапонската историја уште од 12-ти век. Иако самите самураи веќе не постојат, останал системот на чест и дисциплина како важен во јапонската култура дури и денес.

Свеченото отворање на Летните олимписки игри 2020 ќе се одржи денеска со почеток во 13 часот по македонско време на „Националниот стадион“ во Токио. Уметниците се надеваат дека ќе го кренат олимпискиот дух во јавноста, иако годинава игрите нема да можат да се гледаат во живот поради пандемијата на Ковид-19.

Самураите на сите земји може да ги видете ОВДЕ.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи