Анализа на „Microsoft” и „LinkedIn”: 41% од вработените сакаат да ја променат кариерата


Податоците од најновиот извештај на „Microsoft”, Работниот тренд на индексот на „Microsoft”, покажуваат дека 41 % од работната сила размислува за драстична промена во кариерата следната година.

Оваа студија опфаќа информации од 30 илјади вработени ширум светот преку „Microsoft 365“ и „LinkedIn”.

„Нашето истражување покажува дека 41 % од глобалната работна сила веројатно ќе размисли да го напушти сегашниот работодавач во текот на следната година, 46 %  планираат да направат  транзиција во кариерата“, пишува во извештајот.

Повеќе од половина од вработените (54 %) рекле дека се чувствуваат преоптоварени. Виртуелните состаноци, е-пошта и пораките драматично се зголемија откако работата од далечина и хибридните методи станаа нова норма.

Сепак, менаџерите и носителите на одлуки се справиле многу подобро – 61 % од лидерите и високите извршни директори велат дека успеваат – 23 % повеќе од луѓето кои не се овластени да донесуваат одлуки. Истражувањата покажуваат дека ова веројатно се должи на низа фактори, како што е фактот дека вработените на високи позиции имаат поголема мрежа на професионална поддршка и можност да земат повеќе одмор.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи