Зеленчукот и овошјето го хидрираат организмот во текот на жешките денови, но внимавајте на фруктозата


Во текот на летото, особено во пожешките денови мора да внимаваме што ќе јадеме и со тоа треба да бираме намирници кои го хранат организмот, но и го хидрираат.

Во летниот период треба да се држиме до намирници кои разладуваат, а тие се:

Од овошје: јагоди, јаболки, крушки, диња, лубеница, праски, кајсии и сливи.

Од зеленчук: брокули, карфиол, краставици, тиквички, пиперки, боранија и пченка.

Исто така портокалово, жолто и црвено овојше придонесуваат за подобра пигментација и воедно поседуваат антиоксидантно делување.

Но, дали јадењето премногу овошје може да биде штетно и нездраво?

Дефинитивно може, одговара доктор Карстен Лекутат од Германија. Овошјето содржи фруктоза, затоа е толку вкусно и слатко.

„На крајот на краиштата, фруктозата сепак е шеќер и со себе ги носи сите проблеми што може да се јават од преголема количина шеќер“, вели тој.

Едно јаболко дневно е здраво, а три може да резултираат со замастување на црниот дроб. Кога црниот дроб ќе се замасти, повеќето луѓе претпоставуваат дека тоа се случува поради алкохол. Всушност, вели доктор Лекутат, во 20 до 30% од случаите тоа нема врска со алкохол, туку е последица на премногу фруктоза.

Докторот потсетува дека внесувањето две до три порции овошје е здраво и препорачливо. Треба само да не се претерува.

Исто така треба да се има предвид дека сите овошја не содржат ист процент на шеќери. Бананите, јаболката, сливите имаат повеќе шеќери од портокал или шумско овошје.

Препораката е да се јадат пет порции овошје и зеленчук дневно, при што приоритет треба да се даде на свежиот зеленчук.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи