Во четврток во фоајето на НУЦК „Марко Цепенков “ – Прилеп со почеток во 19:00 часот ќе се одржи авршниот настан на проектот „Прилеп – градот народен херој за време на НОБ“, на кој што ќе бидат промовирани 360° виртуелни прошетки и документарни видеа за: Меморијалниот музеј „Кузман Јосифоски “ – Питу, Меморијалниот музај „11 Октомври 1941“ и спомен паркот на Револуцијата. Исто така, настанот ќе биде збогатен со изложба на фотографии од овие историски објекти.
Според органиизаторите основната цел на пректот била помовирање на историското наследство на Општина Прилеп од времето на НОБ преку користење на иновативни промотивни алатки.
Исто така преку проектот се сака да се постигне поголема туристичката промоција и поддршка на локалниот економски развој на Општина Прилеп, поддршка на НУ Завод и Музеј – Прилеп за промоција на историското наследство на Општина Прилеп, како и поддршка на претприемачите од фотографската и видео дејноста во Општина Прилеп за намалување на последиците предизвикани од Ковид-19 кризата.
Проектот е поддржан од Владата во рамките на програмата „30 години независност на Северна Македонија“, а е имплементиран од Фан Продукција 2004.
