Сребрениот медал пристигна во Македонија – пречекан Георгиевски на скопскиот аеродром

Share on facebook
Facebook
Share on twitter
Twitter
Share on email
Email
Share on print
Print


Македонскиот таеквондист Дејан Георгиевски пристигна во Македонија откако постигна историски успех на Летните олимписки игри (ЛОИ) со освојување на сребрениот медал.

Георгиевски на скопскиот аеродром беше пречекан од директорот на Агенцијата за млади и спорт, Наумче Мојсоски, од своето семејство, од членовите на неговиот таеквондо клуб од Бутел, но и бројни љубители на спортот од Македонија.

„Пресреќен сум што ја израдував Македонија. Благодарен сум на пречекот, на сите кои дојдовте тука. Имавме долг пат, но сега емоциите работат. Благодарам и на поддршката и честитките сите овие изминати денови уште пред олимпискиот турнир и по освојувањето на сребрениот медал“, рече Георгиевски.

Македонскиот таеквондист вечерва од 19:30 часот ќе биде поздравен и на плоштадот во главниот град, каде ќе биде организиран официјалниот пречек.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи