Научниците за прв пат видоа светлина на другата страна од црна дупка

Share on facebook
Facebook
Share on twitter
Twitter
Share on email
Email
Share on print
Print


Научниците забележале светлина од другата страна на црната дупка за првпат во историјата, пренесе британски Индипендент. Ваквото откритие изгледа невозможно, со оглед на тоа дека црните дупки „вшмукуваат“ се што ќе им се приближи, вклучително и светлината.

Откритието се појавило откако научниците ги испитале Х-зраците кои во вселената ги исфрлила супермасивна црна дупка лоцирана во центарот на друга галаксија, оддалечена на околу 800 милиони светлосни години, при што некои од зраците изгледале како одраз од другата страна на црната дупка.

Астрофизичарот на Универзитетот Стенфорд во Калифорнија, Ден Вилкинс забележал дека Х-зраците делувале дека се насочени кон другата страна на црната дупка.

„Која било светлина што влегува во црна дупка не излегува, затоа не би требало да може да видиме ништо зад црната дупка“, изјавил Вилкинс.

Тој појаснил дека Х-зраците биле видливи бидејќи црната дупка ги искривува светлината и магнетните полиња околу себе.

Откривањето светлина од другата страна на црна дупка е можно според Теоријата на релативноста на Алберт Ајнштајн, но тоа не било забележано досега.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи