Попоски: Мицкоски и ДПМНЕ остануваат опозиција во Прилеп

Share on facebook
Facebook
Share on twitter
Twitter
Share on email
Email
Share on print
Print


Синоќа на истово ова место, Христијан Мицкоски и ВМРО-ДПМНЕ одржаа партиски митинг, при што на виделина излезе безидејноста и очајот во кој се наоѓа најголемата опозициска партија, рече на денешната прес конференција Филип Попоски – портпарол на ОО СДСМ Прилеп.

Прес конференцијата ја пренесуваме во целост.

„Синоќа, Христијан Мицкоски и ВМРО-ДПМНЕ покажаа зошто се наоѓаат 4 години во опозиција и зошто ќе останат таму најмалку уште толку.

Во деновите кога комплетното поранешно државно и партиско раководство на ДПМНЕ, чиј најблизок соработник беше токму Мицкоски, е осудено на повеќегодишни затворски казни заради пљачкосување на сопствената држава, тој бесрамно зборуваше за борба со криминалот и корупцијата.

Марионетата на унгарскиот бегалец вети изградба на автопат од Велес до Меџитлија, во моментите кога во полн ек е изградбата на експресниот пат Градско-Прилеп и кога Владата на СДСМ веќе го најави автопатското решение од Прилеп до Битола.

Мицкоски зборуваше за изградба на булевари, а на само десетина метра од него се наоѓаше еден од најубавите и најсовремени булевари во нашата држава, реконструиран за време на актуелната локална власт предводена од СДСМ.

Првиот човек на најбогатата партија во Европа, без срам и перде зборуваше и за изградба на спортски објекти, а притоа самиот помина покрај целосно реновираниот Градски фудбалски стадион „Гоце Делчев“, кого неговите сопартијци го оставија уништен и руиниран, на рамниште на ливада.

Почитувани, жална и губитничка беше синоќешната атмосфера на овој плоштад.

Бидејќи, кога лидерот на една партија не го знае името и презимето на човекот кого дошол да го промовира како свој кандидат за градоначалник на Прилеп, во најмала рака значи негово понижување и девалвирање.

Меѓутоа, тоа е најјасната порака која Мицкоски на директен начин им ја соопшти на своите сопартијци, но и на сите граѓани на Прилеп: дека дури и нему му е јасен исходот од претстојните локални избори.

Дека на октомвриските избори СДСМ ќе извојува уште една победа, дека локалната власт во Прилеп и во следните 4 години останува во рацете на СДСМ и коалициските партнери!

Бидејќи СДСМ е најдоброто за нашата општина!“, рече Попоски.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи