СВР-Битола утврди посебен сообраќаен режим за патиштата кои на Илинден водат кон Крушево


Секторот за внатрешни работи-Битола информира дека на 1 и 2 август, на подрачјето на СВР-Битола ќе бидат преземени посебни мерки за безбедно и непречено одвивање на сообраќајот кои водат кон Крушево.

Се очекува зголемена фреквенција на патници кои ќе одлучат националниот празник Илинден да го одбележат во Крушево и затоа СВР-Битола в недела и во понеделник ќе преземе мерки за посебен режим на сообраќај, соопштуваат од секторот за однос со јавност.

„На 1 август од 15:00 се до 22:00 часот наредниот ден, односно до 2 Aвгуст, на регионалниот пат Р-1306 делница Прилеп-Кривогаштани-Крушево-Демир Хисар, како и на регионалниот пат Р-2337 делница Крушево-место наречено Слива, на уличната мрежа низ Крушево и на патеките што водат кон Мечкин Камен ќе има посебен режим на сообраќај. Апелираме, локалното население да се воздржи од движење со работни и земјоделски машини во посочениот временски период и патните правци“, соопштуваат од  СВР-Битола.

На 1 и 2 август на сите учесници во сообраќајот ќе им биде овозможено соодветно информирање од униформирани полициски службеници.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи