„Волт Дизни“ се приклучува на „Фејсбук“ и „Гугл“ со одлука за задолжителна вакцинација на вработените

Share on facebook
Facebook
Share on twitter
Twitter
Share on email
Email
Share on print
Print


По најавите на „Фејсбук“ и „Гугл“, и „Волт Дизни“ се приклучи на компаниите кои од своите вработени бараат да бидат вакцинирани против коронавирусот.

„Во компанијата „Волт Дизни“, безбедноста и благосостојбата на нашите вработени за време на пандемијата беше и продолжува да биде врвен приоритет. За таа цел, и врз основа на најновите препораки од научници, здравствени работници и наши медицински професионалци дека вакцината против ковид-19 обезбедува најдобра заштита од тешка инфекција, бараме сите наши вработени да бидат целосно вакцинирани“, стои во соопштението од компанијата.

На вработените кои се уште не примиле вакцина, а физички одат на работа во просториите на компанијата, им е даден рок од 60 дена да го направат тоа. Истото ќе треба да го направат и оние кои работат од дома, пред да се вратат на работа со физичко присуство.

Покрај тоа, сите нови вработени ќе треба да бидат целосно вакцинирани пред да започнат со работа.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи