Тетово има најмногу активни случаи на ковид-19, а има најмалку вакцинирани

Facebook
Twitter
Email
Print


Скопје и Тетово се градовите кои имаат најмногу активни случаи на ковид-19. Во Тетово активни се 177 болни, а во главниот град Скопје 184. Со оглед на тоа дека во Скопје бројот на жители е многу поголем, во Тетово поголем е просекот на заболени граѓани.

Вчера, според статистиката на Министерството за здравство, Тетово беше на врвот со нови случаи и тоа 32 од 54 направени тестови. Во неделата имаше 10 случаи, во саботата 25, во петокот 15, односно Тетово е постојано на врвот на листата според бројот на новозаболени откако почнаа да растат бројките.

Наспроти големиот број новозаболени, Тетово е еден од градовите со најмала стапка на вакцинација на населението.

Според податоците на Министерството за здравство објавени на 20 јули, во Тетово вакцинирани се 17,1 отсто од населението и е втор град со најмала вакцинација после Кичево со 15, 8 отсто.

Досега во земјава со прва доза вакцинирани се 514.021 граѓанин, а ревакцинирани се 390.562.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи