Zoom ќе плати 86 милиони долари поради загрозување на приватноста на корисниците

Share on facebook
Facebook
Share on twitter
Twitter
Share on email
Email
Share on print
Print


Платформата за видео конференции „Зум“ се согласи да плати 86 милиони долари за решавање на колективна тужба за загрозување на приватноста на корисниците во Соединетите Американски Држави.

Во тужбата се наведува дека „Зум“ ја компромитирал приватноста на милиони корисници со тоа нивните лични информации биле споделени со„Фејсбук“, „Гугл“ и „Линкдин“.

Компанијата негира дека имало загрозување на приваноста на корисниците, но се согласи да ја зголеми безбедноста на платформата.

„Приватноста и безбедноста на нашите корисници се врвни приоритети за Зум и ние сериозно ја сфаќаме довербата што корисниците ја имаат во нас. Горди сме на напредокот што го постигнавме на нашата платформа и со нетрпение очекуваме да продолжиме да иновираме во првите редови на приватноста и безбедноста“, велат од компанијата.

Тужбата, поднесена во март 2020 година во Окружниот суд во Северна Калифорнија, е само една од неколкуте со кои се соочува платформата за видео конференции. Тужбата е поднесена во име на претплатниците на Zoom Meetings низ целата земја, како и корисници кои бесплатно ја користат платформата.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи