Прилеп бара воздушна поддршка за спасување од пожарите, eвакуирани две инвалидизирани лица од с. Ракле

Share on facebook
Facebook
Share on twitter
Twitter
Share on email
Email
Share on print
Print


Општинскиот кризен штаб кој вечерва беше свикан повторно по иницијатива на градоначалникот Илија Јованоски, побара помош од централниот кризен штаб, општината да добие  и воздушна поддршка во текот на утрешниот ден за справување со огнената стихија.

„Денеска повторно го свикав кризниот штаб поради влошената состојба на терен особено со пожарот кој  се јави кај Смолани таму гори нискостеблеста шума, а во опасност е боровата шума која може да биде зафатена и од тие причини на денешниот кризен штаб се договоривме  освен припадниците на ТППЕ и  30-мината припадници на Армијата, вработените во македонски шуми, активно да се вклучат и вработените од  ЈКП “Водовод и канализација“ и  “Комуналец“.   Во исто време побаравме од централниот кризен штаб да имаме и воздушна поддршка во текот на утрешниот ден и тоа на двата потега  Топлица – Ракле-Никодин и на потегот село Смолани,  бидејќи тој е единствениот начин да се локализираат пожарите. Исто така, во текот на денешниот ден Министерството за внатрешни работи ги евакуира двете инвалидизирани лица од Ракле и ги врати во своите домови, така што опасноста од загрозување на човечкиот живот не постои, посочи градоначалникот Јованоски.

Пожарот во делот од Топлица кон магистралниот пат Прилеп-Градско е локализиран.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи