ВМРО-ДПМНЕ: Дали одлуките на Советот за командир на ПС Прилеп се доказ за внатрепартиската битка во СДСМ?

Share on facebook
Facebook
Share on twitter
Twitter
Share on email
Email
Share on print
Print


Поминаа неколку денови од нашето укажување за скандалозниот избор на нов командир на ПС-ОН-Прилеп, меѓутоа од СДСМ до ден денес ни трага ни глас по однос на ова прашање. Се вели во соопштението на ОК на ВМРО-ДПМНЕ  Прилеп.

Соопштението го пренесуваме во целост.

„Дали овој нивни молк се должи можеби на некаква внатрепартиската борба и разединетост на членството помеѓу повеќе структури? За потсетување, беше свикана итна онлајн седница, на која беше потврден фамозниот акт за избор на командир и тоа во брзање, непосредно пред Талат Џафери да ги распише локалните избори.

Единствено градоначалникот Илија Јованоски, по укажување на советничката група од ВМРО-ДПМНЕ, покажа разум и реши да постапи во интерес на законот кога со решение го запре објавувањето на Решението за избор на командир, донесено од мнозинството во Советот.

Прашање е зошто мнозинството во Советот предводено од СДСМ и коалицијата, не го прифати решението на градоначалникот и со тоа постапи спротивно на неговата волја?

Дали ваквото дејствување на Советот спротивно на волјата на Илија Јованоски, се должи можеби на некаква внатрепартиска битка околу кандидатурата за градоначалник на Прилеп од редовите на СДСМ?

Се ближи крајот на времето кога партиската агенда и партиските насоки ќе бидат побитни од законските регулативи. Законот треба да важи и ќе важи за сите. Следува време на одговорност, за сите оние кои се огрешиле пред законот“, се вели во соопштението на ОК на ВМРО-ДПМНЕ  Прилеп.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи