Денес славиме четири Апостоли: Кажете молитва за спас на душата и простување на гревовите

Share on facebook
Facebook
Share on twitter
Twitter
Share on email
Email
Share on print
Print


Денес ги празнуваме Светите апостоли Прохор, Никанор, Тимон и Пармен. Четворицата беа од бројот на Седумте ѓакони и од Седумдесетте апостоли.

Останатите тројца ѓакони беа: Стефан, Филип и Николај. Првомаченикот Стефан се празнува одделно на 27 декември, а Филип на 11 октомври. Николај не влезе меѓу светителите заради ерес.

А првите четворица немаат посебен ден за празнување, туку сите се спомнуваат на денешен ден. Прохор беше ракоположен од светиот апостол Петар за епископ Никомидиски. Извесно време беше на служба кај свети Јован Богослов и на островот Патмос ги забележа откровенијата што ги слушнал од устата на светиот Јован.

Потоа се врати во Никомидија, каде вложи голем труд за обраќање на народот во верата. Маченички се упокои во Антиохија, каде беше убиен од неверници. Свети Никанор пострада во Јерусалим истиот ден кога и светиот архиѓакон Стефан, а набрзо по него пострадаа и две илјади други христијани, кои беа убиени од зли Евреи. Тимон беше епископ во Арабија и пострада за Христа на крст. Пармен умре пред очите на апостолите и тие го оплакаа и го погребаа.

На овој ден, верниците се молат на следниов начин:

„Свети апостоли, молете се на Милостивиот Бог да ни прости за гревовите на нашите души “.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи