МНР: 38 наши државјани безбедно заминале од Евиа во Грција каде беснеат пожари

Share on facebook
Facebook
Share on twitter
Twitter
Share on email
Email
Share on print
Print


Министерството за надворешни работи (МНР) соопшти дека грчкиот остров Евиа каде беснеат пожари во неделата безбедно го напуштиле 38 од 39 туристи наши државјани, а 1 останал и е сместен во безбедниот јужен дел од островот.

„Амбасадата на Република Македонија во Атина стапи во контакт со неколку тур-оператори од Република Македонија кои оперираат на територијата на Република Грција и истите имале аранжмани за островот Евиа. Според информациите, во недела, на 8-ми август, на островот се наоѓаат 39 туристи од Македонија. 38 од нив безбедно го имаат напуштено островот, се упатиле кон други одморалишта или им заврши аранжманот и се вратија во Македонија.

Додека едниот наш државјанин, кој останал на островот Евиа е сместен во јужниот дел на островот Евиа (во моментот безбедно место). Инаку, Амбасадата стапи во контакт со лицето и во моментот нема опасност од пожари во делот каде е сместен“, наведуваат од МНР.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи