Благодарение на Халк банка АД Скопје и организаторите на фестивалот When in Krusevo патеките околу Крушевско Езеро добија корпи за отпадоци. Со поставувањето на корпи се подобрува инфраструктурата за јавна хигиена и „Комуна„ очекува граѓаните да ги користат овие корпи за да се унапредува чистотата на ова популарно место.
„Голема благодарност до Халкбанка и When in Krusevo за донацијата од корпи за отпадоци. Во текот на фестивалот кој се одржа минатиот викенд ги поставивме корпите долж патеките околу Езеро и очекуваме овој простор да биде почист. Сега имаме повеќе корпи на Крушевско Езеро и повикувам граѓаните да ги користат, а ние навремено да ги празниме.“, изјави ВД директорката Станка Ефремова Трајкоска.
Покрај оваа донација Халк банка АД Скопје финансиски ја поддржа санацијата на малиот мост на Крушевското Езеро.
Ниту еден отпадок околу нас!
