Дигиталната ера во која денес живееме, свесно или несвесно во голема мера влијае врз нашето секојдневие, навики, комуникација, учење, па животот без телефон стана речиси незамислив.
Истражување спроведено од веб-страницата за споредба на телефони „Висл аут“ го открива одговорот. Анализата била направена на 1.000 корисници на телефони, а според нивните навики, една личност просечно поминува 9 години од животот користејќи мобилен телефон.
Од анализата, податоците откриваат дека лицата родени од 1981 до 1996 година поминуваат една четвртина од времето кога се будни на телефон. Лицата родени од 1965 до 1980 поминуваат околу 16,5 отсто од времето на телефон, а за лицата родени помеѓу 1946 и 1964 процентот изнесува 9,9.
