Познатиот српски актер Милан Лане Гутовиќ почина на 75 годишна возраст.
Веста за неговата смрт ја потврдил неговиот син. Лане пред повеќе од една недела бил примен на ВМА поради проблеми со дишењето кога бил тестиран на коронавирус со негативен резултат.
Неговата здравствена состојба нагло се влошила, по што актерот бил приклучен на респиратор.
Тој беше еден од најомилените српски актери во последните 40 години.
Својата популарност ја стекна по познатата улога на директорот Среќко Шојиќ во серијалот филмски комедии „Тесна кожа“.
