ВИДЕО – Царовска: Интерес на учениците е да бидат во училниците, ако има промени со Ковид 19 има и други сценарија

Share on facebook
Facebook
Share on twitter
Twitter
Share on email
Email
Share on print
Print


Она кое што е утврдено на владина седница уште во јуни месец е дека Министерството треба да се подготвува за 3 сценарија, едното е целосно физичко присуство, едното е хибриден модел и последното е еден најлош, или сите во онлајн настава, што за нас е многу значајно, бидејќи така постапуваат сериозни системи. Ова денеска го истакна министерката за образование, Мила Царовска, при посетата на Прилеп.

„Ние пред 3 владини седници донесовме одлука заедно со сите министри по препорака на главниот координативен штаб училишната година да почне на 1 септември и да стартува со физичко присуство за сите ученици во сите училишта и тоа го подготвуваме и за тоа се припремаме. Во секој момент доколку добиеме аларм од Комисијата за заразни болести дека треба да размислуваме за ново сценарио, тогаш повторно ќе се состанеме и ќе размислуваме за нови одлуки, но секако во интерес на учениците пред се, затоа што и УНИЦЕФ и ОЕЦД излегоа со свои ставови дека е значајно учениците да бидат во училница.

Училниците или училиштата први се отвораат, последни се затвораат и само така можеме да ги одржиме овие генерации што се денеска во училиште да очекуваме понатаму да бидат продуктивни граѓани, затоа што секој ден изгубен од училиште е загуба за иднината на нашата држава. Затоа ние ќе се стремиме да ги почитуваме сите протоколи, училиштата да се грижат за хигиената, за спроведување на протоколите и на тој начин да немаме интерна трансмисија. Тоа го покажавме и минатата година, интерна трансмисија немаше во ниту едно училиште и така очекувам и оваа година посветено, одговорно сите ние да се однесуваме и да ја истуркаме целата учебна година со физичко присуство“, истакна Царовска.

Министерката за образование рече дека повеќе од 65% од вработените во образовниот систем виле вакцинирани што давало, според неа, добра позиција за старт на учебната година.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи