ВИДЕО – Тутунарите бараат „Зелена нафта“, исплата на ковид пакетот и прогласување на елементарна непогода

Share on facebook
Facebook
Share on twitter
Twitter
Share on email
Email
Share on print
Print


Тутунарите денеска повторно ја запрашаа Владата зошто тие и сточарите не се вклучени во мерката за помош на земјоделците „Зелена нафта“. Велат дека ако некој од власта не знаел и тракторите од тутунарите како и останатите возеле на нафта, а не на вода. Иако упатиле прашања до повеќе институции, никој не сакал да им одговори зошто тутунарите не добиваат ваква нафта. Исто така тутунарите уште еднаш запрашаа зошто и после неколку месеци државата не го исплаќа т.н. 5 ковид пакет како помош за тутунарите.

„Иако знаеме дека овој пакет се изгласа во Собранието во април и сите сме сведоци како се донесе со еден циркуз, со носење на заразени пратеници од Ковид и каков театар од тоа се направи, еве сега за некој ден ќе биде септември, ние овие пари не сме ги добиле. Зошто, што е причината бараме одговори од надлежните и бараме веднаш исплата“, истакна Игор Мирчески, координатор на новоформираните тутунарски здруженија.

Поради огромните суши тутунарите велат дека родот е преполовен и бараат прогласување на елементарна непогода и зголемување на откупните цени за 30 денари по класа.

„Ако просекот на државата е некаде од 150 до 180 кг. за декар, ние очекуваме годинава тој да биде 80 кг. по декар. А во реоните каде што нема наводнување и по 50 кг. по декар, тоа ќе биде катастрофално лоша година и спрема анализите од терен реколтата на ниво на држава ќе се движи околу 16 милиони килограми од предвидените 22 милиони килограми. Баш не интересира како откупувачите ќе ги најдат тие 5-6 милиони килограми кои ќе недостасуваат, дали со тој фамозен закон за можен увоз на тутун ќе видиме, но како и да е ќе недостигаат 5-6 милиони килограми тутун“, додаде Мирчески.

Тутунарите се пожалија и тоа дека се уште дел од нив немаат земено субвенции поради бирократски процедури.

„Се вадат на варијанта дека нема поминато пашарина, дека немаат платено водарина. Закочена е работава помеѓу институциите. Во „Прилепско поле“ ти викаат е платено, во Платежна агенција ти викаат дека си должник во Прилепско поле или спрема пашарина, значи моментално субвенциите и тие што се исплатени не се во целост исплатени, а и треба уште голем дел да се исплатат“, изјави Тони Ангелески, претседател на тутунарско здружение.

За сите овие отворени прашања бараат итна средба со надлежните институции.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи