Вакцинацијата се одвива непречено на сите пунктови низ државата, а во тек е и теренска вакцинација.
На вакциналните пунктови во државата и на терен вчера прва доза вакцина вчера примиле 7.625 граѓани, а се вакцинирале вкупно 11.883 граѓани.
Во државата вкупно се аплицирани 1.220.375 дози вакцини, а ревакцинирани се 516.797 граѓани.
Со последните бројки 51% од населението над 40 години имаат примено барем една доза вакцина и 26% од населението над 18-39 години е вакцинирано со барем една доза вакцина.
Граѓаните без закажан термин се вакцинираат во постоечките вакцинални пунктовите низ државата, соопшти Министерството за здравство. Од таму додаваат дека процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Децата од 12 до 18-годишна возраст се вакцинираат со согласност од родител.
Вакцините се безбедни и ефикасни и се единствениот начин да се победи пандемијата, апелираат здравствените власти.
