15 облакодери во Кина се истовремено срушени со експлозив за 45 секунди

Share on facebook
Facebook
Share on twitter
Twitter
Share on email
Email
Share on print
Print


Во јужниот кинески град Кунминг, синхронизирано се срушени 15 облакодери од комплекс наречен Liyang Star City Phase II. Според кинеските вести, за тоа се потрошени 4,6 тони експлозив кој бил поставен на 85.000 места во овие згради. Петнаесетте облакодери се со вредност од околу 154 милиони долари и биле срушени за само 45 секунди.

Изградбата на комплексот започнала во 2011 година, но тој не бил целосно завршен досега. Поради недостаток на капитал, изградбата запрела во 2012 година. Иако изградбата во еден сектор била завршена во 2015 година, преостанатите 15 солитери останале празни од 2013 година, па дури и кинеската влада се обиде повторно да го заврши проектот, но безуспешно.

Компанијата Yunnan Honghe Real Estate Co. ги откупила правата на земјиштето каде што се наоѓаа облакодерите. Било одлучено да се прекине изградбата бидејќи проектот не ги исполнувал сегашните барања на пазарот, а потоа било откриено дека темелите се изложени на дождовница и дека е невозможно да се направат поправки.

Експлозијата и прашината што се кренала зафатиле околу 500.000 квадратни метри, што е најголемата намерна градежна експлозија во историјата на Кина.


Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи