Во Македонија има околу 9.000 слободни работни места

Share on facebook
Facebook
Share on twitter
Twitter
Share on email
Email
Share on print
Print


Во второто тримесечје од 2021 година стапката на слободни работни места во Македонија изнесува 1,78%, покажуваат податоците на Државниот завод за статистика.

Вкупниот број на слободни работни места во земјава за второто тримесечје изнесува 8.977, а според секторите на дејности, најголем број слободни места има во преработувачката индустрија (1.948), трговијата на големо и трговијата на мало; поправка на моторни возила и мотоцикли (1.6901) и во секторот објекти за сместување и сервисни дејности со храна (995).

Истовремено, највисока стапка на слободни работни места од 4,64% има секторот објекти за сместување и сервисни дејности со храна, додека најмала е стапката во секторот снабдување со електрична енергија, гас, пареа и климатизација, во кој изнесува 0,16%.

Деловните субјекти со број на вработени од 3 до 9 имаат највисока стапка на слободни работни места, која изнесува 2,54%.

Повеќе од половината од слободните места се во Скопскиот Регион, каде што се слободни 4.812 работни места.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи