Во Македонија има неколку активни пожари

Share on facebook
Facebook
Share on twitter
Twitter
Share on email
Email
Share on print
Print


Пожарот на Галичица после интервенцијата на хелихоптерот на АРСМ и временските услови кои се на просторот утрово (има послаби врнежи) е локализиран. Се забележуваат уште 2 (две) помали жаришта каде што сеуште има слаб чад. Рано утрово на просторот има околу четириесетина лица со припадници на ТППЕ-Охрид, НП Галичица, ПО ДЗС-Охрид, ПСС-Охрид кои ќе направат целосна проверка на опожарениот простор. Договорена е целосна логистичка подршка за дејствување и е обезбедена храна и вода за лицата кои ќе бидат на терен како и механизација за расчистување на планинските патишта. Доколку од екипата на терен се процени дека има потреба за дејствување од воздух ќе се побара поддршка и од АРСМ.

Пожарот во атарот на селата Грушино и Ајватовци кој започна на ден 04.09.2021 година во 16:00 часот е се уште активен. Се интервенира со 3 ПП возила и 7 пожарникари каде гаснат запалена сува трева, ниска вегетација и стрниште на поголема неутврдена површина. (општина Арачиново и Гази Баба).

Пожарот помеѓу селата Осинчани и Елово е сеуште активен. Од ШС Караџица известуваат дека десниот крак на пожарот кој се движел по сртот во правец на село Држилово е изгаснат од страна на мештаните, додека левиот крак од пожарот кој се движи кон село Елово е сопрен од ветер кој започнал да дува во спротивен правец, истиот се уште чади, но не се шири. Од страна на општина Сопиште е побарана воздушна поддршка од страна на АРСМ.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи