Груби: Корупцијата е пострашен вирус од короната

Share on facebook
Facebook
Share on twitter
Twitter
Share on email
Email
Share on print
Print


Првиот вицепремиер и министер за политички систем и односи меѓу заедниците, Артан Груби, денеска, од првиот панел на меѓународната конференција во Скопје порача дека најголемата закана за економиите е корупцијата, а не короната.

„Пандемијата е привремена, она што треба да се прави перманентно и со кое треба да почнеме веднаш да се справуваме е корупцијата. Корупцијата го руши кредибилитетот на сите иснституции. Нема економски развој без владеењето на правото. Сега имаме некредибилни институции и загубена јавна доверба. Имаме селективно и коруптивно судство“, рече Груби.

Корупцијата, истакна Груби, е пострашен вирус и од Ковид.

„Корупцијата е нашиот најголем непријател и закана за растот на сите економии, општества и демократии. Го поткопува кредибилитетот на институциите и процесите. Се работи за уште пострашен вирус од КОВИД кога станува збор за закрепнувањето, растот и развојот на економијата. Мора да градиме клима на личен и институционален интегритет, етичко однесување на лично и институционално ниво. Но, без одржливо владеење на правото не можеме да имаме кредибилни институции и доверба на јавноста кон системот. Некредибилни институции значат недостиг на јавна доверба што доведува до селективна и корумпирана правда, а тогаш немаме стабилни инвестиции, стабилна бизнис клима. Тоа доведува до замена на правниот систем, на најлесниот начин – мито, да се заврши работата“, заклучи Груби.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи