Пендаровски: Имунизацијата е клучниот фактор за излез од кризата

Share on facebook
Facebook
Share on twitter
Twitter
Share on email
Email
Share on print
Print


Претседателот Стево Пендаровски денеска се обрати на првата годишна конференција „Скопје економски и финансиски форум” на тема „Економско заздравување и раст по Ковид”, организирана од Министерството за финансии на Република Македонија.

Претседателот се осврна на нашата економија за која рече дека не е исклучок од светските трендови и ги посочи донесените мерки.

„Јасно е дека загубите се огромни и ќе треба време за опоравување на македонското стопанство, кое и пред пандемијата не беше во завидна состојба. Но, она што е значајно е дека веќе имаме доволно информации и анализи за да процениме кои одлуки биле погрешни и не треба да се повторуваат, а кои продуцирале позитивни ефекти”, рече Пендаровски.

Во обраќањето,  тој порача дека е потребно заедничко делување на глобално ниво, а несомнен клучен фактор во борбата е имунизацијата.

„Несомнено имунизацијата е клучниот фактор за излез од кризата и во тој процес не смее да се дозволи забавена динамика и нерамномерна дистрибуција на вакцините”, порача Пендаровски.

На крајот на обраќањето, претседателот Пендаровски порача дека соодветната едукација е фундаментот за развивање на човечкиот капитал, како и дека општеството е должно да го развие потенцијалот на младите и да вложува во нивните идеи.

„Верувам дека токму во постковид периодот ќе имаме сет на политички и економски мерки кои ќе поттикнат продукција на нови свежи концепти на тој план“, рече Пендаровски.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи