Тутунарите : Недозволиво е секое незадоволство на земјоделците да се етикетира како партиско, можни се нови масовни протести

Share on facebook
Facebook
Share on twitter
Twitter
Share on email
Email
Share on print
Print


Недозволиво е од страна на еден министер секој револт, секое незадоволство што се појавува кај земјоделците и тоа се изразува со единственото средство со кое можат земјоделците да привлечат внимание кај институциите а тоа е Протест, Да биде етикетирано од страна на министерот како партиски. Се вели во денешното соопштение на ноформираните тутунарски здруженија.

„На исти ваков начин ние организаторите на протестите за тутунарите бевме етикетирани, а сега тоа истото му се прави и на лозарите кои својот револт од ниските цени го искажаа пред винаријата Тиквеш и тие со една леснотија беа претставени како партиски протестанти.

Би апелирале до министерот да се зафати со решавање на роблемите со кои се соочуваме ние земјоделците, а не со изјави кои дополнително создаваат револт и се подценува нашата мака и труд. Нашите тутунски здруженија се во постојана комуникација со сите Земјоделски здруженија кои го организираа Петровден сиот Сеземјоделски протест кој како што знаете е ставен во мирување.

Во зависност од средбата која ќе ја имаат во среда лозарите и винариите со министерот, ако не остварат позитивни решенија за лозарите, за време на престојниот викенд сите земјоделско тутунски здруженија ќе одржат работен состанок со една единствена точка реактивирање и организирање на еден заеднички Земјоделски протест, на кој секоја земјоделска гранка ќе си ги истакне своите проблеми.

Тутунарите ќе си го бараат 5-от ковид пакет, лозарите повисока цена за грозјето и исто и ковид мерка, градинарите повисока цена на ајварската пиперка и субвенции по килограм предаден во откупен центар, млеко производителите субвенции за предадено млеко, оризопроизводителите за ниски цени во пресрет на жетвата на оризот и сите останати гранки кои исто така имаат свои барања и неподмирени субвенции и мерки од страна на државата“, се вели во соопштението на тутунарите.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи