Ергофобија – страв од работа, како да се препознае и да се третира?

Share on facebook
Facebook
Share on twitter
Twitter
Share on email
Email
Share on print
Print


Ергофобија која уште се нарекува и ергасиофобија е ненормален и истраен страв, односно фобија од работа или функционирање.

Луѓето кои страдаат од оваа фобија чуствуваат неумерен анксиозност во врска со работното окружување, иако разбираат дека нивниот страв е ирационален.

Нивните стравови всушност можат да бидат комбинација на стравови од неуспех во задачите кои им се дадени, страв од тоа да зборуваат пред други вработени или да се дружат (социјализираат) со нив.

Причини

Можно е лицето кое страда од оваа фобија да искусило траума која на некој начин автоматски и трајно ја поврзува со работата. Интровертни личности чуствуваат дека немаат потребни социјални вештини или дека ги немаат оние вештини кои се потребни за тој вид на работа, а можеби личноста доживела некоја траума во смисла на отказ. Причини за тоа можат да бидат многубројни.

Симптоми

Симптомите се разликуваат од личност до личност. Поблаги симптоми се потење или чувство на мачнина, додека потешки се парализираност од страв или напад на паника. Уште некои од симптомите се сушење на устата, забрзан пулс на срцето, засилена чуствителност, вртоглавица итн.

Лекување

Повеќето луѓе сами ги препознаат симптомите на ергофобија. Кога стравот од работата започне да влијае не само на ефикасноста на работата, туку и на секојдневниот живот, се препорачува помош од стручно лице. Тој воглавно помага преку разговор, но се применуваат и техниките за опуштање и визуелизација кои пациентот го учат како би си помогнал самиот на себе. На потешки случаи им се препишуваат лекови.

Друго решение е основање сопствен бизнис или барање работа во која не мора да се оди во канцеларија

Потекло на зборот

Овој збор потекнува од грчките зборови „ergon“ (работа) и „phobos“ (страв). „Ergo“ е збор од кој настанале и други англиски зборови, како ергометар (ergometer) (уред кој ја мери количината на работата на мускулите) и ергономија (ergonomics) (применета наука за дизајнирање на канцелариска опрема и намештај со цел зголемување на функционалноста и унапредувањето на комодитетот на работникот).

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи