Министерот за здравство Венко Филипче, денеска информираше дека во болниците има доволно слободни кревети за хоспитализација на заразени од корона вирус.
„Во некои градови се намалува бројот на пациенти. Во однос на новодијагностицираните во изминатите денови се бележи едно плато, односно ист бројот на новозаразени. Тешко е да се каже дали ова ќе продолжи. Се прави детална анализа во Институтот за јавно здравје која ќе биде индикатор за нови дополнителни мерки“, рече Филипче.
Филипче најави дека во октомври ќе биде предложена мерка за барање сертификат за целосна имунизација, односно примени две дози вакцини.
„Една од мерките што сигурно ќе се препорача е потребата да се прикаже потврда за примени две вакцини, односно тоа ќе прерасне во потврда за примени две дози вакцини или целосно вакцинирани лица“, најави Филипче.
