Морбидни закани по живот за семејството на Јовчески – Сугарески со осуда

Share on facebook
Facebook
Share on twitter
Twitter
Share on email
Email
Share on print
Print


Профил на социјалната мрежа Фејсбук со име Роберт Вретоски преку статус упатува закани по живот за потесното семејство на Борче Јовчески, кој е кандидат за градоначалник на Прилеп од ВМРО-ДПМНЕ за претстојните локални избори.

„Наскоро и прислушкуваните разговори за Борчево ке бидат излезени во јавност, па да видите како приватно договара за поткуп на гласачи. Повлекувај се од кандидатура ако ти е мила фамилијата во спротивно ќе го најдеш и помалиот син во некој ендек фрлен како куче“, стои во објавата на Фејсбук.

Горан Сугарески, кандидат за градоначалник од СДСМ на својот Фејсбук профил го осуди ваквиот морбиден чин за којшто вели дека ниедна лична трагедија не смее да се злоупотребува за лични или било какви други интереси и воедно ги повика надлежните институции да преземат итни мерки, да го откријат сторителот и најстрого да го санкционираат.

„Згрозен сум од објавениот фејсбук статус на сметка на личната трагедија на кандидатот за градоначалник на Прилеп од редовите на ВМРО-ДПМНЕ, Борче Јовчески.

Без разлика дали станува збор за вистински или лажен профил, како политичар, но пред се’ како човек, најостро го осудувам крајно морбидниот и нехуман чин. Никој нема право да се изживува и да злоупотребува било чија лична трагедија за лични или било какви други интереси.

Во политиката, исто како и во животот, мора да постојат ,,црвени линии” кои не смее да се преминат.

Ова се локални избори кои треба да претставуваат борба на идеи и концепти, а не полигон за дисквалификација на било кој кандидат, од било која политичка опција.

Очекувам надлежните институции да преземат итни мерки, да го откријат сторителот и најстрого да го санкционираат“, напиша Сугарески.


Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи