Естонија ќе ни помага за дигитализација, „Не можете да подмитите компјутер“ истакнува амбасадорката Карелсон

Share on facebook
Facebook
Share on twitter
Twitter
Share on email
Email
Share on print
Print


Во Македонија започнува проектот за поддршка и развој на дигитализацијата и е-владеење, кој ќе го координира Секретаријатот за европски прашање (СЕП), а е финансиран од САД (250 000 долари) и Естонија (100 000 долари). Естонскиот центар за меѓународен развој, пак, ќе ни даде експертската поддршка за што претставничка на оваа институција, Кадри Масик, и вицепремиерот за европски прашања, Никола Димитров, денеска потпишаа Меморандум за соработка.

Она што е особено важен аспект на дигитализацијата, според вицепремиерот, е што таа води кон градење на поотпорно општество и нуди можности за справување со корупцијата. Тоа според него, ќе ја унапреди и транспарентноста и довербата на граѓаните во институциите.

Амбасадорката на Естонија во земјава, Кристи Карелсон, рече дека Естонија е лидер во дигитализацијата и е-управувањето кое го гледа како клучна алатка за зголемување на ефикасноста и транспарентноста на јавниот сектор и довербата на граѓаните.

„Естонската влада со воодушевување го прифати овој предлог на владата на Република Македонија и Американската амбасада во Скопје да го почне овој проект. Ми се допаѓа познатиот цитат на еден од лидерите на нашата дигитализација, поранешниот министер за надворешни работи Томас Хендрик Илвес: „Не може да подмитите компјутер“. Додека градиме дигитално општество треба да бидеме искрени со себеси дека креирањето доверба и надминувањето на сомнежот на луѓето во поглед на електронскиот систем е долг и комплексен процес. Тој е клучен за успехот, не само да се користи напредната технологија, туку и начинот на кој владата управува со процесот да креира позитивна законска клима. Друг е стандардот за кибербезбедноста, да не можат системите да бидат хакирани, а услугите да се одржуваат и да обезбедат безбедност на личните податоци“, кажа амбасадорката Карелсон.

Американската амбасадорка, Кејт Мари Брнз, истакна дека САД очекуваат позитивни ефекти од проектот.

„Оваа соработка е пример за продуктивните односи што се развиваат кога партнерите кои се на иста линија ги прифаќаат истите основни вредности и работат кон постигнување заедничка цел. Денес зборуваме првенствено за е-управување и дигитализација, но ова партнерство што го преземаме, се надевам, ќе генерира позитивни ефекти во широк спектар на области“, нагласи Брнз.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи