На денешен ден во 1943 бил одржан првиот час на македонски јазик во ова училиште

Share on facebook
Facebook
Share on twitter
Twitter
Share on email
Email
Share on print
Print


Секторот за образование на Левица денеска објави фотографија од зградата каде на денешен ден се одржал првиот час по македонски јазик во 1943 година.

„Далечната 1943 година, на 24 септември во селото Подвис, во областа Копачка, во Кичевско бил одржан првиот училишен час на македонски јазик. Ден голем како планина! Од устата на учителот Василко Лазарески првпат во училница прозвучил македонски збор, децата првпат следеле настава на мајчин јазик, а не на јазиците на окупаторите“, пишува Левица.

Зградата во којашто бил одржан тој прв час е прогласена за споменик на културата, но и заборавена, истакнуваат од Левиица.

„Левица не заборава, нема ниту да прости. Зградата во којашто бил одржан тој прв час е прогласена за споменик на културата. И заборавена. Денес е во очајна состојба, со ослепени прозорци и пропаднат покрив, зарасната во треви и трње.

Клептократите кои 30 години владеат за да пљачкаат, секојпат имаат полни усти со љубов кон државата и народот, а образованието им е „врвен приоритет“- секоја година го реформираат, а сега се на пат и потполно да го расформираат“, стои во написот на Левица.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи