ВИДЕО – Сугарески: Најдоброто за Прилеп, значи општина со модерната и урбана инфраструктура, со нови бизнис можности, со силна зелена агенда за почиста животна средина

Share on facebook
Facebook
Share on twitter
Twitter
Share on email
Email
Share on print
Print


Борбата за развиен и подобар Прилеп, секогаш била и ќе биде поголема од партиската, етничката, верската или било која друга припадност. Истакна на денешната своја прва прес конференција Горан Сугарески, кандидат за градоначалник на Прилеп од редовите на СДСМ.

„Во деновите на оваа изборна кампања,презентирајќи ја нашата визија за Прилеп, заедно со мојот тим ќе им пристапиме на младите, возрасните, работниците, земјоделците, стопанствениците, дуќанџиите и на сите други добронамерни наши сограѓани кои се спремни да се вградат во новата победа за Градот Херој.

Го имаме концептот „Најдоброто за мојата општина“, со кој Прилеп прераснува во посакувано место за живеење, со висок квалитет на живот и задоволни граѓани.

Најдоброто за Прилеп, значи општина со модерната и урбана инфраструктура, со нови бизнис можности, со силна зелена агенда за почиста животна средина, со ефикасна администрација, со реализирани младина и општа благосостојба.

Најдоброто за Прилеп, е концепт од граѓаните за граѓаните. Стратегија за развој на нашата општина, која ја базираме на потребите на граѓаните, на нивните идеи и размислувања за сето она што e најдобро за градот и населените места.

Во таа насока, како најважни и приоритетни проекти од мојата изборнапрограма, се:

  1. Уредување на влезовите во градот;
  2. Булеварски решенија на главните сообраќајници, реконструкција и изградба на патната инфраструктура и нови паркинг места;
  3. Кружен тек кај новата автобуска станица;
  4. Уредување на Градска река-Дабнички канал;
  5. Семеен парк Прилеп -зелена оаза за релаксација и рекреација;

Доаѓа време кога целото мое стекнато знаење и искуство, ги посветувам исклучиво на мојот роден град, наПрилеп и на прилепчани. Мојата животна филозофија е да обединувам, не да делам.

Ќе бидам градоначалник на сите граѓани. Граѓанинот ќе биде на првото место во мојата работна агенда. Во непосредна комуникација заедно ќе одлучуваме за сите прашање од интерес на нашата општина.

Од денеска па натаму, ценети мои сограѓани, официјално влегуваме во политичката битка во која ќе се вложиме максимално, ќе го понудиме најдоброто и ќе оствариме голема сенародна победа за сите нас, граѓаните на општина Прилеп“, рече Сугарески.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи