МЗ: 47% од населението над 18 години е вакцинирано со прва доза вакцина

Share on facebook
Facebook
Share on twitter
Twitter
Share on email
Email
Share on print
Print


Од Министерството за здравство информираат дека со една доза на вакцина против ковид-19 во земјава се вакцинирани 46,9 отсто од населението над 18 години, заклучно со 26 септември.

Кај лицата над 40 години опфатот со една доза изнесува 55 отсто, а кај лицата помеѓу 18-39 години опфатот со една доза на вакцина е помал, т. е 31%.

Според последните податоци, најмногу со прва доза вакцинирани граѓани има во градовите Охрид (63,9%), Кавадарци( 64,3%), Гевгелија(61,4%) и Неготино (65,1%).

Помеѓу 50-60 % опфат на вакцинирано население со прва доза има во градовите Битола, Демир Хисар, Ресен, Велес, Берово, Пехчево, Прилеп, Крушево, Валандово, Штип и Пробиштип.

Помеѓу 40-50 % опфат на вакцнинирани граѓани има во градовите Кичево, Св.Николе, Кочани, Делчево, Крива Паланка, Струга, М.Брод, Скопје и Тетово.

Помеѓу 30-40 %, односно најмалку вакцинирани во моментов има во Виница, Куманово, Кратово, Дебар, Струмица, Гостивар и Радовиш.

Вакцинацијата се одвива непречено на сите пунктови низ државата, а во тек е и теренска вакцинација.

Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител. Вакцините се безбедни и ефикасни и се единствениот начин да се победи пандемијата.

Само со комплетна вакцинација се спречува тешка форма на болеста се намалува шансата од заболување како и смртен исход од истата.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи