Бугарија сака Бугари во македонскиот Устав и да прекине „македонизацијата“

Share on facebook
Facebook
Share on twitter
Twitter
Share on email
Email
Share on print
Print


Бугарскиот претседател Румен Радев побара Македонците со бугарски пасош да бидат пишани како Бугари на неодамна завршениот попис во Македонија, на Самитот ЕУ-Западен Балкан во Словенија.

„Бугарите заслужуваат да имаат свое место кое ќе биде јасно пишано, потребен ни е и резултатот од пописот кој заврши во Македонија, потребно ни е признавање на историската вистина и ако сето ова е исполнето ќе ни треба гаранција од ЕУ дека ќе го вклучат патоказот во процесот на преговарање. Многу е едноставно. Повеќе од 120.000 граѓани на Република Македонија се и граѓани на Република Бугарија, врз основа на нивнa изрично изразена волја и на претставени објективни документи за потекло. Други десетици илјади го чекаат својот бугарски пасош и очекуваме таа реалност да биде отсликана и при пребројувањето на населението во Република Македонија. Прекин на македонизацијата и омразата кон Бугарија и донесување јасни одлуки “, изјави Радев.

Премиерот Заев рече дека Македонија е спремна да разговара за отворените прашања, но не и за македонскиот идентитет.

Претседателката на Европската комисија, Урсула вон дер Лејен истакна дека дијалогот меѓу Македонија и Бугарија мора да се врати на вистинскиот пат.

„Но, ЕУ исто така треба да направи повеќе. Се покажаа недостатоци во процесот на отворање преговори со Албанија и Република Македонија. Треба да одиме напред во овој процес, да разјасниме. Интензивно се работи од страна на Европската Комисија за клучните прашања, што е и билатерално прашање помеѓу Република Македонија и Бугарија. Се надевам дека ќе го решат овој проблем што е можно поскоро и ќе продолжат напред“, вели претседателката на Европската комисија.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи