Потпишан Меморандум за соработка меѓу Мрежата на ЛАГОВИ на нашата земја и Мрежата на Локални Акциони Групи на Република Србија

Share on facebook
Facebook
Share on twitter
Twitter
Share on email
Email
Share on print
Print


На 1. октомври 2021 година во Фрушка Гора, Србија Мрежата на ЛАГОВИ на Р. С. Македонија  и  Мрежата на Локални Акциони Групи на Република Србија склучија Меморандум за соработка со цел поттикнување, афирмација и соработка во областите од заеднички интерес и промовирање на ЕУ Лидер пристапот и Локалните Акциони Групи како носители на одржливиот рурален развој.

Целта на овој меморандум е преку регионална соработка да се споделуваат добри практики од стратегиите за развој предводен од заедницата кои ги имплементираат ЛАГовите и да се овозможи пристап до можности за континуирано функционирање на Локалните Акциони Групи преку поддршката на националните, регионалните и ЕУ фондовите.

Идејата на ЛЕАДЕР пристапот е активно вклучување на сите заинтересирани страни, кои можат да придонесат за одржлив рурален развој преку формирање партнерства помеѓу јавниот, приватниот и граѓанскиот сектор насочени кон иницијативи за развој заснован на одредена територија.Ваквиот пристап придонесува за рамномерен територијален развој и создавање еднакви можности за жителите од руралните средини.

Со потпишувањето на овој меморандум двете страни се согласија да соработуваат во широк спектар на активности и иницијативи од взаемен интерес насочени кон подобрување на знаењето и стручноста, размена на добри практики, и застапување и лобирање за воведување на ЛИДЕР пристапот согласно националните и ЕУ програмите.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи