Хрватскиот Хвар прогласен за најубав остров во Европа

Share on facebook
Facebook
Share on twitter
Twitter
Share on email
Email
Share on print
Print


Излезе една од најпрестижните листи за патување на познатото и ценето списание „Конде наст травелер“.

Со повеќе од 800.000 гласови, резултатите го потврдуваат она што многу луѓе во Хрватска веќе го знаат – Хвар е најдобриот остров во Европа. Повторно.

Зад него се грчките острови Миконос, Закинтос, португалската Мадеира и италијанската  Искија.

Хвар е одлична дестинација преку целата година, особено поради топлите лета и благите зими.Хвар е најсончевиот остров во Хрватска, со повеќе од 2.800 сончеви часа годишно. Со вкупна оценка од 96,56 / 100, Хвар е избран и за шести најдобар остров во светски рамки.

Ова светски престижно списание го нагласува и богатото историско наследство на Хвар, истакнувајќи ја Тврдината Фортика како споменик на културата кој мора да се посети. Исто така, се истакнува и познатата жетва на хрватска лаванда на Хвар, која станува една од главните особености во летните месеци.

Хвар ја освои титулата најдобар европски остров и 2019 година.

Петар Разовиќ, директор на туристичкиот одбор на Хвар, е воодушевен од наградата.

„Ова е круна за нашата успешна сезона што е зад нас. Чест ни е што сме во друштво со најдобрите светски острови – ова е награда за сите туристички чинители во нашиот град и нашиот остров. Туристичките табли на островот Хвар во пост-сезоната ќе продолжат да го позиционираат нашиот остров на светската мапа на дестинации преку целата година со разновидна понуда и веруваме во понатамошен туристички раст“, вели Разовичќ.

Имаше одличен резултат и за Хрватска, која се најде на топ 10 топ дестинации во светот, со 9 -та позиција.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи